Guddiga isku dhafka ciidamada Soomaaliya oo Garowe yimid
-
- Posted On 31-05-2016, 02:04PM
GAROWE- Wafdi uu hogaaminayo wasiir dowlaha wasaaradda Gaashaandhigga dowladda Federalka Soomaaliya, Maxamed Xali Xagaa, ayaa maanta soo gaaray magaalo madaxda Puntland ee Garowe, iyagoo booqday xarunta ciidamada Daraawiishta ee 54-aad.
Waxaa magalada kusoo dhaweeyay taliyaha guud ee ciidamada Qalabka General Siciid Maxamed Xirsi iyo saraakiil katirsan ciidamada difaaca Puntland.
Wafdigan ayaa kulan la qaatay xubno katirsan laamaha ammaanka Puntland, waxayna kawada hadleen arrimo la xiriira isku dhafka ciidamada iyo qaabkii loo hirgalin lahaa hishiisyo horay loo galay.
Ujeedka socdaalkan mas'uuliyiinta ayaa lagu sheegay inay la xiriirto qorshaha lagu doonayo in la isugu dhafo ciidamada difaacada dalka, kaasi oo qayb ka ahaa hishiisyo horay u wada galeen dowladda Federalka Soomaaliya iyo Puntland.
Waxaa horay loogu hishiiyay in la sameeyo ciidamo Qaran kuwaasi oo badal kuwa Midowga Afrika ee AMISOM.
GAROWEONLINE
