Gudoomiye cusub oo loo magacaabay gobolka Kar-kaar
-
- Posted On 01-10-2015, 10:26AM
01 Octobar, 2015(GO)-Digreeto ka soo baxday xafiiska Madaxweynaha Puntland Cabdiwali Maxamed Cali Gaas ayaa Gudoomiye gobolka Kar-kaar loogu magacaabay Cabdulqaadir Siciid Caarshe "Dhaqaaje".
Afhayeenka xukuumadda Puntland Cabdullaahi Maxamed Jaamac "Quraan Jecel" ayaa Garowe Online u xaqiijiyay magacaabista Gudoomiyaha.
Horey xilkaasi, waxaa ugu magacaabnaa Cabdi Quraan Maxamed Aadan.
Lama oga sababta xilka looga qaaday, balse waxay ku soo beegmaysaa xilli Madaxweyne Gaas uu isbadal ku samaynayay maamullada qaybo ka mid ah gobollada Puntland.
Waa Gudoomiyihii 6-aad ee Gaas u magacaabo gobollada, Nugal, Mudug, Bari iyo Kar-kaar intii uu xilka hayay.
GAROWEONLE
