Labo dhallinyaro ah oo lagu diley magaalada Galkacayo [Dhageyso]
-
- Posted On 22-02-2015, 02:38PM
GAALKAIO, Feb 22, 2015 (GO)- Magaaladda Gaalkacyo ee xarunta gobolka Mudug waxaa ku geeriyooday labo dhallinyaro ah kuwaasi oo dilkooda uu ka danbeeyey askari ka tirsan ciidamadda dowladda Puntland.
Askarigaan ayaa tacshiirad ku furey garoonka gudahiisa waqti halkaas uu ka dhacey buuq la xiriira cayaartooy halkaas uga socdey tartan kubada cagta ah.
Labada dhallinyarada ah ee geeriyootey shalay ayaa lagu aasay magaaladda Gaalkacyo sida uu xaqiijiyey madaxa garoonka ciyaaraha gobolka Mudug Maxamed Cabdi Habas oo lahadlayey Radio Garowe.
Habas ayaa sheegay in dhacdadani tahay midii ugu horaysay ee ka dhacday garoonkaasi intii uu gacanta ku hayey isagoona tacsi u diray ehelda wiilashii lagu diley toogashada.
Magaalada Galkacyo ayaa horay loogu dilay labo ka tirsan saraakiisha hay'adda UNODC kuwasoo dilkooda uu gaystey askari kamid ah ciidamadda ilaaliya garoonka diyaardaha.
GAROWEONLINE
