Maamulka Garbahaarey oo ka hadley weerarada
-
- Posted On 27-01-2016, 12:11PM
GARBAHAREY: Deegaano ka tirsan Gobolka Gedo ayaa waxaa duqaymo ka gaystay mar kale diyaaradaha ciidamada Kenya.
Maamulka degmada Garba-haaray oo la hadlay Radio Garowe ayaa sheegay inay duqaynta diyaaradaha Kenya ay wali ka wadaan deegaano ka tirsan gobolkaas.
Gudoomiye ku-xigeenka degmada Gar-bahaaray Cabdi Barre Maxamed ayaa ka waramay xaalada dadkii ka barakacay deegaanada duqayntu ka dhacday iyo kuwa Ceel-cadde oo ciidamada Kenya shalay ka baxeen.
Duqeymahaan ayaa yimid kadib markii ururka Al-shabaab Jan 15,2016 weerarey ciidamo ka tirsan dalka Kenya kuwasoo saldhig ku lahaa degaanka Ceelcad.
Kenya aay waxaa kasoo bixin tafaasiil ah rasmiya oo halkaas lagaga diley balse ururka Al-shabaab ayaa sheegtey iney askar gaareysa 100 ku dileen weerarkaas halka gaadiid iyo saanad ku qabsadeen.
GAROWEONLINE
