Maamulka gobolka Bari oo ka hadlay cabashada ganacsatada Bosaso
-
- Posted On 05-01-2016, 05:07PM
05 January, 2016(GO)-Maamulka gobolka Bari ayaa maanta ka hadlay cabshada iyo shaqa joojinta ay sameeyeen ganacsatada magalada Bosaso kuwaasi oo ka biyo diiday canshuuro dheeraad ah oo lagu soo rogay.
Gudoomiyaha gobolka Bari Yusuf Maxamed Wacays Dhedo oo warbaahinta kula hadlay xarunta ganacsiga Puntland, ayaa sheegay inay laga hishiiyay arrinta ganacsatadu ka cowdeen, wuxuuna tilmaamay in 15 bishan u ballansanyihiin dhammaynta waxyaabaha la isku khilaafay.
Dhedo ayaa tilmaamay in ganacsigu sidii hore ku soo laabtay, howsha keentay kala aragti duwaantana tahay mid ku kooban shakhsiyaad gooni ah balse ay jiraan ganacsato badan oo arrinta dowladda ogolaatay.
Dhinaca kale mid kamid ah ganacsatada ka cowday canshuurta lagu kordhiyay oo magaciisa codsaday in la qariyo ayaa Radio Garowe u sheegay in canshuurta loo kordhiyay qaab ka bad-badis ah, taasina keentay inay qaadan waayaan, isagoo xusay inay saameysay shaqa joojintooda dadka ku nool magalada. Halkan ka dhagayso
Cabshada ganacsatada Bosaso waxaa ka horaysay mid ay sameeyeen qaar kamid ah kuwa ku nool magalada Garowe kadib markii qaabkan oo kale loo siyaadiyay canshuurta laga qaado.
GAROWEONLINE
