Madaxweynaha Puntland oo Addis Ababa u duuley
-
- Posted On 16-04-2015, 10:28AM
April 16, 2015 (GO)- Madaxweynaha Puntland Cabdiweli Maxamed Cali Gaas iyo wefdi balaaran oo uu hogaaminayo ayaa maanta u dhoofay xarunta dalka Ethiopia ee Adis-ababa.
Madaxwaynaha ayaa waxaa socdaalkiisa ku weheliya wasirro iyo saraakil katirsan madaxtooyada, waxaana garoonka diyaaradaha ee Garoowe ku sagootiyey madaxwayne ku xigeenka, wasiirro, xildhibaanno, saraakil ciidan iyo mas'uuliyiin kale.
Madaxweyne Gaas ayaa dalka Ethiopia u aaday sidii uu uga qeyb geli lahaa kulan loogu magac daray Tana Forum kaasoo sanad walba la qabto loogana hadlo qodob la xiriira arrimaha amaanka Africa .
'' Xoojinta ganacsiga iyo amniga labada dal ayaan sidoo kale kawada hadlaynaa madaxda dalka Ethiopia, guul iyo kheyr baana rajaynayaa Puntland nabad-gelyo iyo horumar ayaan u rajaynayaa '' ayuu yiri Madaxweyne Gaas.
Cali Gaas iyo wefdiga uu hogaaminayo ayaa maalmaha kooban ee ay ku sugan yahiin dalka Ethiopia kulamo la qaadan doona qaar kamid ah madaxda dalkaas.
GAROWE ONLINE
