Madaxweynaha Puntland oo diidey mushahar la'aanta ciidanka [Dhageyso]
-
- Posted On 26-09-2015, 05:11PM
Sept 26, 2015 (GO)- Madaxweynaha Puntland Cabdiweli Maxamad Cali Gaas oo dhowaan siiyey wareysi qaar kamid ah saxaafada gudaha ayaa gabi ahaanba meesha ka saarey iney jirto mushahar la'aan haysata ciidamada islamarkaana sheegey in dowladiisu bixisay dhamaan lacagihii lagau lahaa.
Mar wax laga waydiiyey ciidamada Puntland oo gadoodey, Mudane Cabdiweli Maxamad Cali Gaas wuxuu sheegey in ciddii sameeysay gadood iyo amar diida lala xisaabtami doono.
"Adeer ciidan aan mushahar qaadani ma jiraan, ciddii waxaas sameysayna waa lala xisaabtamayaa, wax jirana maaha, hawsha aad hadda sheegtayna adiga un baan afkaaga ka maqalayaa, ma garanayo howshaasi meel ay ka socoto"
Wuxuu sidoo kale ka gaabsaday inuu faah faahin ka bixiyo daabicista lacagta Shilin Soomaaligu oo dufcdeedii ugu horeysay lagu arkayey suuqayada Puntland asbuucyadii ugu dambeeyey.
Xukuumada Puntland oo kala kulantey eedymo gudoomiyaha Bangiga dhexe ee Somalia, beesha caalamka iyo qaybaha kale ee bulshada ayaa gabi ahaanba ka baaqsatey iney ka hadasho daabicista lacagaha Shilin Somaliga ah ee faalsada ah.
Diidista madaxweynaha Puntland ee mushahar la'aanta ciidamada ayaa kusoo beegmeysa maalmo kadib markii ciidamo kala jooga Bosaso, Garowe iyo Galkacayo gadoodeen kuwasoo ka cabanayey ineysan muddo bilo ah aysan helein xuquudoodii.
Madaxweyne ku-xigeenka Puntland ayaa ciidamada ku xereysan 54aad booqdey kadib markii ay ka gadoodeen mushahr la'aan haysatey muddo 28 bilood ah isaga oo balan qaadey in xukuumada xuquuqdooda raadin doonto.
GAROWEONLINE
