Madaxweyne Gaas oo booqasho ku tagaya wadamo ka tirsan Africa
-
- Posted On 01-12-2016, 10:42PM
GAROWE, Puntland- Madaxweynaha Puntland oo booqasho ku tagey dalka China ayaa wararka GO uu helayo sheegayaan inuu ku wajahan yahay maalmaha soo socda wadamo ka tirsan Qaarada Africa.
Madaxweyne Gaas oo imaanaya magaalada Addis Ababa maalinta berri ah ayaa la filayaa inuu halkaas uga sii gudbo wadanka Kenya magaaldiisa Nairobi.
Warar warsidaha GO helayo ayaa sheegaya in Madaxweyne Gaas booqasho ku tagi doono dalka Zambia halka warar kale xusayaan inuu halkaas uga sii gudbi doono wadan kale oo ka tirsan qaarada Africa.
Ma jiraan warar ku aadan sababta Madaxweyne Gaas u tagayo wadanka Zambia halkaasoo ku nool yihiin dad Somali ah oo u badan ganacsato.
Safarka Madaxweyne Gaas uu ku marayo wadamadaan kala duwan ayaa ku soo aadaya xilli Puntland ka jiraan abaaro ba'an halka dhinaca kale la filayo in dhowaan ciidamada amniga dagaal ku qaadaan kooxaha tageera ururka Daacish kuwasoo gacanta ku haya magaalada Qabdala.
GAROWEONLINE
