Madaxweyne Gaas oo booqday saldhigga dhexe Garowe
-
- Posted On 08-04-2016, 01:25AM
GAROWE- Madaxweynaha Puntland Cabdiwali Maxamed Cali Gaas ayaa caawa sameeyay kormeer uu ku maray qaybaha kala duwan ee caasumadda Puntland Garow, wuxuuna tagay saldhigga dhexe isago soo indha indheeyay qaabka shaqadu u socotay, isagoo la kulmay waaxyaha kala duwan ee gobtaasi ku sugnaa.
Gaas ayaa la kulmay saraakiisha amniga iyo dadweyne ku sugnaa saldhigga gaar aahaa qaybta Oobiga haalkaasi oo lagu qoro cabashada dadweynaha, wuxuuna ka waraystay xaaladooda iyo qaabka shaqadu usocoto.
Madaxweynaha oo wehilnaysay marwadiisa Hodon Siciid Ciise, ayaa sidoo kale booqday hoyga caasumadda Puntland ka taganyahay Islaan Ciise Islaan Maxamed oo kamid ah isimada Puntland.
Cabdiwali Maxamed Cali ayaa ugu dambeyn soo indha indheeyay guud ahaan magalada isagoo aysan la socon ciidamo gaashaman iyo gawaaridii horay looga bartay, wuxuuna soo maray dhammaan jidadka Garowe.
Booqadan ayaa ka marakacaysa amniga buuxa ee Garowe, waxaana asbuucii hore madaxweynaha oo wehelinayay Ra’isal wasaare Sharmake ku caweeyeen meheradu ku yaalla magaalo madaxda Puntland, taaso ujeedkeedu ahaa in dadweynaha la tuso amniga Puntland ka jira.
GAROWEONLINE
