Madaxweynihii hore ee PL oo ka tacsiyeeyey geerida Danjire Bari-Bari
-
- Posted On 28-03-2015, 05:27PM
March 28, 2015 (GO)- Madaxweynihii hore ee Puntland Dr. Cabdiraxmaan Maxamed Farole ayaa tacsi u direy ehelada dadkii ku geeriyoodey weerarkii shalay Al-shabaab kusoo qaaddey Hotel Maka Al Mukarrama.
Si gaar ah Farole wuxuu tacsi ugu direy ehelada iyo qaraabadii uu ka geeriyoodey Yuusuf Ismaaciil Bari-Bari oo ahaa danjirihii Dowladda Soomaaliya u fadhiyey magaalada Geneva ee xarunta dalka Switzerland.
Dadka weerarka ku dhaawacmay wuxuu Ilaah uga baryey inuu caafimaad deg deg ah siiyo kana dul qaado dhibka.
Dhanka kale, Madaxweynihii hore ee Puntland ayaa weerarka ku tilmaamay fal waxashnimo ah kana durugsan mabaadi'da saxan ee Islaamka iyo bini aadamnimada.
Weerarkan waxaa sidoo kale cambaareeyey madaxda Dowladda Federaalka Soomaaliya iyo danjiraha Qaramada Midoobey u jooga Soomaaliya Nicholas Kay.
GAROWE ONLINE
