Muran ka dhextaagan maamulka gobolka Nugaal
-
- Posted On 29-01-2015, 04:55PM
GAROWE Jan 29, 2015 [GO]- Gudoomiye ku xigeenka gobolka Nugaal Cabdinaasir Xaaji Maxamed oo maanta shir jaraa'id ku qabtay xarunta gobolka Nugaal ayaa shaaciyey in khilaafaad soo kala dhexgaley maamulka.
Gudoomiyaha gobolka Nugaal Cabdiqani Xaashi Bumbe ayaa xilka uga tagey ku-xigeenkiisa Labaad kadib markii uu safar dibada ugu ambabaxey taasoo Cabdinaasir Xaaji Maxamad ku tilmaamey talaabo aan sharciga wafaqsaneyn.
Cabdiqani Xaashi Buumbe '' Gudoomiyaha gobolka Nugaal' oo ku sugan wadanka Sweden ayaa warsidaha Radio Garowe fursad u heley inuu wax ka waydiiyo jahawareerka ka tagaan cidda uu xilka uga tagey isagoo xusey in isagu awood u leeyahay in mas'uulka uu rabo ugaga tagi karo shaqada si KMG.
Guddoomiyaha gobolka Nugaal oo xilkaan u magacaabey madaxweynaha dowlada Puntland ayaa waxaa shaqada la qabta gudoomiye ku-xigeen Kowaad iyo Labaad.
Ku simaha gudoomiyaha gobolka Nugaal oo wax laga weydiiyey amni darada bilihii ugu dambeeyey ka soo korortey magaalo madaxda Puntland ee Garowe kadib markii dad ku labisan dharka Askarta dhac u gaysteen shacabka ayaa sheegey in dadweynaha soo gaarsiiyaan cabshadaan hay'adaha ku shaqo leh.
Halkaan ka dhageyso wareysiga Gudoomiyaha Nugaal iyo ku-xigeenka
GAROWEONLINE
