Puntland: Faah faahin tirada dhimashada dagaalka Suuj iyo mallayshiyada gacanta lagu hayo
-
- Posted On 20-03-2016, 07:10PM
GAROWE- Warsidaha Garowe Online ayaa faah faahin dheeraad ah ka helaya howl gal maanta ka dhacay deegaanka Suuj ee gobolka Nugal halkaasi oo ku sugnaayeen mallayshiyaad tiro ahaan gaarayay 100, waxaana weerar xooggan oo ciidanka amnigu ku qaadeen goob ay ku dhuumalaysanayeen sababtay in kooxda goobta laga sifeeyo.
Sarkaal katirsan ciidanka ka howlgalaya Suuj, ayaa Warsidaha Garowe Online u sheegay in howlgalka lagu dilay 55 mallayshiyada katirsan, waxaana gacanta lagu dhigay 31 kale, halka 7 ruux firxadeed oo ciidamada amnigu wali baadi goobayaan.
Waxuu sheegay in howlgalka lagu guulaystay islamarkaana kooxahan gacanta lagu dhigay iyo maydkaba lasoo qaadi doono.
Wuxuu intaasi raaciyay inaysan jirin khasaaro xoggan oo dhankooda soo gaaray, balse howlgalka ku geeriyoodeen saddex kamid ah ciidamada difaaca Puntland, isagoo xusay in deegaankaasi laga sifeeyay burcad diimeed kusoo duulay carrada Puntland.
GAROWEONLINE
