​Puntland oo beenisay in Qandal gacantooda kusoo noqotay

BOSASO, Puntland- Taliyaha ciidamada Puntland Admiral Cabdirisaaq Diiriye, ayaa beeniyay inay gudaha u galeen degmada Qandala ee gobolka Bari.

Cabdirasaaq oo goor-dhoweyd la hadlayay laanta Afka Somaliga ee VOA, ayaa sheegay inay kaabiga ku hayaan degmada, balse aysan gudaha u galin.

Wuxuu sidoo kale sheegay inuusan ka tirsanayn qof magaciisa ku sheegay kornayl Cabdinaasir Caynab Cali oo loo yaqaan Xaayow, kaasoo BBC u sheegtay inuu yahay taliye katirsan ciidamada Badda oo ku sugan degmadaasi.

Admiral-ka ayaa sidoo kale sheegay inuusan waxba kasoo kordhin khasaaraha dagaal shalay dhacay oo ay ku geeriyoodeen in kabadan 7  katirsan Daacishta degmadaasi Gashay.

Khadadka taleefoonka ayaa ka go'an degmada Qandala iyo deegaanada hoos yimaada, waxaana taliyaha ciidamada badda uu sheegay inay cilladoobeen sida ay ku warameen mas'uuliyiinta shirkadda Golis ee goobahaasi Ku sugan.

GAROWEONLINE