Puntland oo dalbatey in laga caawiyo dib u dejinta qaxootiga Yemen
-
- Posted On 08-04-2015, 01:35PM
April 8, 2015 (GO)- Dowladda Puntland ayaa beesha caalamka ka dalbatey in laga taageero dib u dejinta qaxootiga tirada badan ee ka imaanaya dalka Yemen.
Wasiirka Arrimaha Gudaha Puntland Axmed Cilmi Cismaan Karaash oo maanta xafiiskiisa Garowe shir-jaraa'id ku qabtey, ayaa sheegay in Puntland ka walaacsan tahay qaxootiga kasoo qulqulaya dalka Yemen.
Axmed Karaash ayaa sidoo kale sheegay in labadii todobaad ee ugu dambeeyey ay magaalada Bosaso oo keliya soo gaareen siddeed doonyood oo sidey ku dhowaad labo boqol oo qof.
Wasiirka ayaa xusey in Puntland awood u lahayn inay dadka intaas le'eg dib u dejin u sameynso, wuxuuna ugu baaqey hay'adaha samafalka iyo wadamada deeqda bixiya inay Puntland arintan ka caawiyaan.
Labo doonyood oo dad ka badan 200 oo qof la socdaan ayaa habeen dambe kusoo wajahan magaalada Bosaso ee xarunta gobolka Bari.
GAROWE ONLINE
