Puntland: Roobab ka da'ay gobollada Nugal iyo Karkaar
-
- Posted On 26-04-2016, 02:31PM
GAROWE- Roobab fiican ayaa xalay ka da'ay qaybo kamid ah gobollada Puntland gaar ahaan gobollada Nugal iyo Karkaar, waxaana aad u soo dhaweeyay islamarkaana EEBBE uga xamdi naqay shacabka gobollada ku nool.
Magaalooyinka Qardho, Garowe, Burtinle, meelo badan oo Miyiga iyo Tulooyinka gobolladaasi ayaa laga soo sheegay inay ka da'een roobab fiican islamarkaana ku qabowsadeen bulshada iyo duunyada halkaasi ku nool.
Goob joogayaal la hadlay Radio Garowe, ayaa kusoo waramay in roobkaasi uusan gaysay wax saamayn ah, balse Xareddu warantahay dooxooyinka iyo waddooyinka.
Abaartii baaxsanayd ayaa sheegeen in roobkan booga dhay u yahay, balse ALLE ka barayayaan inuu ka dhigo roobkii anfac yeesha.
Dhinaca kale Mas'uuliyiin ku sugan Eyl iyo Burtinle ayaa sheegaya in roobkaasi biyo galiyay baraagaha islamarkaana xooluhu ka cabeen.
Shalay 25 April ayay ahayd markii Roob doon caam ah laga sameeyay magaalooyinka waaweyn ee Puntland, kuwaasi oo EEBBE lagu weydiinayay inuu bulshada ka dulqaado abaarta iyo biyo la'aanta.
GAROWEONLINE
