Puntland: Wafdi soo gaaray magalada Garowe
-
- Posted On 03-04-2016, 11:15AM
GAROWE- Garoonka diyaaradaha Canoco, waxaa goordhaweyd kasoo dagay wufuud kala duwan oo kasocota dalka Ethoipia, IGAD iyo Midowga Yurub kuwaasi oo qayb ka ah mas'uuliyiinta u imaanaya arrimaha looga hadlay magalada Garowe Caasumadda Puntland ee ku salaysan nidaamka loo marayo doorashada dalka Somalia 2016.
Xubnaha yimi ayaa kala ah, Wasiirka Arrimaha dibadda Ethoipia Tedros oo markii ugu horaysay Garowe yimi, wakiilka Midowga Yurub ee Somalia Michael Cervone, Ergayga gaarka ah ee Qaramada Midoobay M.Keating iyo Xoghayahay urur goboleedka IGAD Maxbuub Macallin, oo dhawaan Garowe u yimi arrimo la xiriira masharuuca dhismaha wajiga labaad madaarka diyaraha Bosaso.
Waxaa sidoo kale yimi safiirro kasocda waddamada caalamka.
Mas'uuliyiinta Garowe soo gaaray ayaa dhaammantood waxay goob joog ka noqonayaa wadahadalka u dhaxeeya Wafdiga Ra'isal wasaare Cumar iyo Puntland.
Wararka ayaa sheegaya in Puntland diyaarisay qodobo hordhigeyso beesha caalamka kuwasoo laga filayo iney daamanad qaado kuwaasoo saraakiil ka tirsan Dowlada magacooda diidan u sheegeen GO in furo u noqneyso in la aqbalo qaabka doorasho ee Somalia.
Wararka ayaa sheegaya inuu jiro shaki wayn laga qaybo in Puntland aqbali doonto nidaamka 4.5 kaasoo shacabka iyo madaxdooda horey u diideen.
Hadal kasoo baxay Madaxweynaha Somalia Xasan Sheekh Maxamud ayaa hambalyo loogu diray Puntland kaasi oo ku aadan aqbaaladda nidaamkaasi.
GAROWEONLINE
