Qarax ka dhacey saldhiga bartamaha magaalada Bosaso
-
- Posted On 10-01-2015, 07:01PM
BOSASO Jan 10,2015 [GO]- Waxaa caawa lagu weerarey Bambooyinka kuwa gacmaha laga tuuro saldhiga Bartamaha magaalada ganacsiga Puntland ee Bosaso. Wararka kasoo baxaya goobtaas ayaa sheegeya in dadkii weerarkaan gaystey ka baxsadeen goobta.
Wararka kasoo baxaya halkaas oo aad u kooban madaama ciidamada amniga gaareen goobta ayaa wararka hordhaca ee soo baxaya waxey sheegayaan in dhaawac fudud kaliya ka soo gaarey qof dumar ah oo goobta qaraxu ka dhacey ku dhoweyd.
Weerarkaan ayaa ku soo beegmaya xilli ciidamada amniga Puntland howlgalo kaga jiraan dhulka kaymaha ah ee ku yaal buuraleyda Golis.
Warsidaha Garowe Online kala soco wararka la xiriira khasaaraha qaraxaan gaystey.
GAROWEONLINE
