Qaxootigii ugu badnaa ee ka yimi Yemen oo berri Bosaso kusoo wajahan
-
- Posted On 09-04-2015, 02:41PM
April 9, 2015 (GO)- Tiradii ugu badneynd ee ah qaxooti Soomaaliyeed oo kasoo cararey dagaallada ka soconaya dalka Yemen ayaa berri kusoo wajahan magaalada Bosaso ee xarunta gobolka Bari.
Dadkan oo tiradoodu dhan tahay 280 qof una badan kuwo deegaan ahaan kasoo jeeda Puntland waxay magaalada Mukullah kasoo baxeen duhurnimadii maanta.
Diyaar garow xooggan oo ku aadan sidii dadkaas loo soo dhoweyn lahaa ayaa magaalada Bosaso ka socda.
Wasiirka Arrimaha Gudaha Puntland Axmed Cilmi Cismaan Karaash oo shalay xafiiskiisa Garowe shir-jaraa'id ku qabtey, ayaa sheegay in Puntland ka walaacsan tahay qaxootiga kasoo qulqulaya dalka Yemen.
Axmed Karaash ayaa sidoo kale sheegay in labadii todobaad ee ugu dambeeyey ay magaalada Bosaso oo keliya soo gaareen siddeed doonyood oo sidey ku dhowaad labo boqol oo qof.
GAROWE ONLINE
