Radio Galkacayo oo caawa bam gacmeed lagu tuuray
-
- Posted On 31-12-2014, 07:30PM
December 31, 2014 (GO)- Waxaa caawa bam gacmeed lagu tuuray xarunta Idaacada Radio Galkacayo ee magaalada Gaalkacayo.
Bamka oo laga soo tuuray dhabarka dambe ee dhismaha waxaa ku dhaawacmay labo kamid ah wariyeyaashii Idaacadaas ka hawlgelayey.
Labada wariye ee dhaawacmay waxaa lagu kala magacaabaa Shiine Cabdi Axmed iyo Cabdulaahi Maxamuud Aadan.
Dhaawaca labada wariye soo gaarey waxaa lagu soo waramayaa inuu sahlan yahay sida uu GO u xaqiijiyey wariye ka tirsan Radio Gaalkacayo.
Wariyaha oo ka gaabsaday in magaciisa la baahiyo wuxuu sheegay in marar badan horay loogu soo hanjabay maamulka iyo shaqaalaha Idaacada.
Ma ahan markii ugu horeysey ee la qarxiyo Radio Galkacayo waxaa sidoo kale weerar caynkan oo kale ahaa lala beegsaday xarunta Radio Daljir ee Gaalkacayo.
Bishii November ee lasoo dhaafay waxaa magaalada Gaalkacayo lagu diley wariye Cabdirisaaq Cali Cabdi Silver oo ka tirsanaa Radio Daljir iyo telefishinka Horn Cable.
GAROWE ONLINE
