Shir ugu socdey Isimada Garowe oo lagu kala kacay
-
- Posted On 23-05-2016, 05:33PM
GAROWE-, Puntland- Shir ugu socdey magalaada Garowe isimo ergo ahaan uga yimid magalaada Qardho Iyo odey dhaqameed ku sugnaa magaalo madaxda Puntland ayaa guul daro kusoo dhamaadey.
Isimadaan oo uu hogaminayey Suldaan Siciid Suldaan Cabdisalaan ayaa magalaada Qardho uga soo kicitimey in isimo ku sugan magaalo madaxda Puntland ku qanciyaan iney ka qayb galaan shir ka bilaamaya magaalo madaxda gobolka Karkaar.
Khilaafka isimida Puntland oo horey u jirey ayaa soo shaacbaxay kadib markii Boqor Burhaan Boqor Muse iclaamiyey in magalaada Qardho lagu qabto shir isugu imaanyaan Issimada Somaliya.
Isimada Garowe ku shirsan ayaa warsaxafdeed ay soo saareen ku sheegey in shirka Qardho aan loo dhameyn islamarkaana uu jiro khilaaf u dhexeeya odey dhaqameedka Puntland kasoo u baahan in la xaliyo.
Madaxweynaha Puntland oo maanta dib ugu soo noqdey Garowe ayaa lagu marti qaadey inuu furo shirka ka furmaya Qardho.
GAROWEONLINE
