Shir ka furmay magalada Qardho
-
- Posted On 24-05-2016, 01:24PM
QARDHO- Madaxweynaha Puntland Cabdiwali Maxamed Cali (Gaas), ayaa maanta ka qayb galay shir ka furmay magalada Qardho ee xarunta gobolka Karkaar, waxana la sheegay inuu yahay shir lagu kulansiiyay duub dhaqameedka Somaliyeed.
Gogasha shirkaasi oo dhigay Boqor Burhaan Boqor Muuse, waxaana kasoo qayb galay isimo kala duwan oo ka yimi Puntland iyo gobollada Somalia qaarkood.
Kulankan oo ka dhacay xarunta jaamacadda Bariga Afrika ee Qardho, ayaa ku saabsanaa furitaan oo kaliya, waxaana khudbad ka jeediyay madaxweynaha Puntland Cabdiwali Maxamed Cali oo sheegay inuu ku faraxsanyahay ka qayb galka madashan, isagoo dhuubka shirka yimi usoo jeediyay inay ka qayb qaataan sidii la isugu keeni lahaa umadda Somaliyeed.
Furitaanka kulankan, ayaa kusoo beegmay xilli madashaasi khilaaf xooggan ka jiro iyadoo isimadu ku kala qaybsanyihiin, waxaana sidaasi oo kale shir Garowe uga socdaa isimo sheegay inaan kulankaasi lagu ballamin islamarkaana aysan haboonayn in madal Somaliyeed loo gudbo iyadoo aan laga tashan tan Puntland.
GAROWEONLINE
