Taliska Qaybta Booliska Nugal oo shacabka u digay
-
- Posted On 13-05-2017, 02:24PM
GAROWE, Puntland- Taliska qaybta Booliiska gobolka Nugal ayaa ka hadlay xaaladda magaalada Garowe iyo khilaaf kala dhaxeeyay maamulka gobolka, taasoo talisku ku eedeeyay inay la wareegeen shaqadooda.
Taliyaha Qaybta Booliiska gobolka Nugal, Cabdirashiid Xinjira Dhuuq oo la hadlayay Radio Garowe, ayaa sheegay in xaaladda ammaanka Garowe ay tahay mid aad u wanaagsan, waxuuna baaq u diray shacabka caasumadda.
Cabdirashiid, ayaa sheegay in waqtiga roobka uu bato shilalka baabuurta, kuwaasoo doonaysa inay u dalxiis tagaan meel ka baxsan magaalada, wuxuuna ugu baaqay inay yareeyaan arrintaas inta dhulku qalalayo.
Wuxuu xusay in shacabka laga doonayo sidii ay uga shaqayn lahaayeen ammaanka, isagoo xusay in talisku xoojiyay nabad galyada.
Mar wax laga weydiiyay halka uu ku dambeeyay khilaaf kala dhaxeeyay maamulka gobolka Nugal, wuxuu sheegay in arrintaas laga hishiiyay arrintu u socoto siday rabeen.
GAROWEONLINE
