Taliyaha cusub qaybta gobolka Nugaal oo xilka la wareegay [Dhagayso]

Image
Image
Image
Image
Image
Image

21 Septembar, 2015(GO)-Cabdiraxmaan Abshir Faarax oo dhawaan loo soo magacaabay taliyaha qaybta gobolka Nugaal ayaa maanta xilkii la wareegay.

Munaasabad uu ka gayb galay taliyaha ciidanka boliiska Puntland iyo saraakiil kale ayaa lagu qabtay magalada Garowe.

Taliyaha cusub qaybta gobolka Nugaal Cabdiraxmaan Abshir Faarax ayaa sheegay inuu wax ka qaban doono ammaanka isagoo fariin adag u diray dadka qaska ka wada caasumadda Puntland ee Garowe.

Gudoomiyaha gobolka Nugaal Cumar Cabdullaahi Farole iyo taliyaha ciidanka boliiska Puntland Cabdirasaaq Afgaduud ayaa sheegay inay wax ka qaban doonaan hormarka gobolka gaar ahaan caasumadda.

Shacabka Garowe ayaa Gudoomiyaha gobolka ugu baaqay inay ilaashaan caruurtooda ka hor intaysan galin falal amni darro, waxaa uu sheegay hadii arrintaasi lagu soo qabto inay la marsiin doono ciqaab adag.

Afgaduud ayaa dhinaciisa ka hadlay dhalinyarada habeenkii Taleefonada furta, waxaana uu sheegay cidii falkaasi lagu helo inay mutaysan doonaan ciqaab adag oo aan la ogaan doonin halka lagu xiro.

Cabdiraxman Abshir Farax ayaa taliyaha qaybta gobolka Nugal loo magacabay markii saddexaad, waxaana arrintani timi ka dib badal lagu sameyay Axmed Cabdullahi Samatar Layli oo loo magacabay taliyaha kuliyadda Carmo.

GAROWEONLINE

Related Articles

Soomaaliya: Puntland oo horumar weyn ka sameysay Howlgalka Hilaac ee ka socda G/Bari

Dagaalyahannada ISIS ayaa la kulmay khasaare weyn toddobaadyadii u dambeeyay kadib markii Madaxweynaha Puntland.

  • Puntland

    14-01-2025

  • 10:39AM

Soomaaliya: Muxuu Axmed Madoobe Ka Yiri Howlgalada Puntland ee ka Dhanka ah Daacish?

Madaxweynuhu wuxuu si gaar ah u xusay guulaha muuqda ee Puntland ay ka gaartay howlgalka Hilaac.

  • Puntland

    14-01-2025

  • 08:51AM