Taliyaha Guud ee ciidamada Puntland oo gaarey magaalada Garowe
-
- Posted On 24-02-2015, 11:48PM
GAROWE Feb 25,2015 (GO)- Waxaa soo gaarey galabnimadii Taladada "Feb 23,215" magaalo madaxda dowlada Puntland ee Garowe Taliyaha Guud ee ciidamada Puntland Siciid Maxamad Xirsi Siciid Dheere".
Safarka Taliyaha oo aan horey loo shaacin ayaa wararka la xiriira sheegayaan inuu salka ku hayo sidii loo xalin lahaa khilaafka u dhexeeya Madaxweynaha Puntland iyo qaar ka tirsan saraakiisha amniga.
Taliyaha oo ku maqanaa bilihii laso dhaafey howlgalada lagula dagaalamo kooxda Al-shabaab ee ku sugan Galgala ayaa wararku sheegayan in Madaxweyne Cabdiwlei Cali Gaas uusan kala tashan xil ka qaadis uu ku sameeyey taliye ku-xigeenka ciidamada Booliska Puntland iyo agasimaha ciidamada sirdoonka Puntland "PIA".
Dhinaca kale waxaa magaalo madaxda Puntland ee Garowe ka socda kulamo lagu xalinayo khilaafkaan kadib markii saraakiisha xilka laga qaadey ka biyo diideen go'aanka Madaxweynaha.
Murankaan siyaasadeed oo ka bilowdey xil ka qaadista lagu sameeyey qaar ka tirsan saraakiisha ciidamada ayaa wuxuu hoos u dhac wayn ku sameeysay howlgalada lagaga hortagayo falalka ururka Al-shabaab ka fuliyaan magaalooyinka waaweyn ee Puntland.
Taliye ku-xigeenka Booliska Puntland Gen. Muxayadiin Axmad Aw-muuse oo horey uga badbaadey qarax lala beegsadey gaarigiisa ayaa bilihii lasoo dhaafey dagaalo kaga jirey buuraleyda Galgalo.
GAROWEONLINE
