Wasiir ku xigeenka cusub ee dekedaha PL oo maanta la dhaariyey
-
- Posted On 01-04-2015, 01:12PM
April 1, 2015 (GO)- Madaxtooyada Garowe waxaa maanta lagu dhaariyey wasiir ku-xigeenka cusub ee Wasaaradda Dekedaha, Gaadiidka Badda iyo La-dagaalanka Burcadbadeedka, Cabdisalaam Ciise Toohe.
Shiikh Xassan Cabdi Cilmi oo ka tirsan maxkamadda sare ee Puntland ayaa dhaariyey wasiir ku-xigeenka.
Madaxweynaha oo dhaarta kaddib hadley ayaa guul u rajeeyey Dr. Toohe oo sida uu tilmaamey ah qof hufan karti iyo aqoon ku filanna u leh xilka loo soo magacaabey.
Gaas ayaa kula dardaarmey mas'uulkan inuu si fiican uga soo dhalaalo howsha loo dhiibey, isagoo Ilaah uga baryey inuu u fududeeyo.
GAROWE ONLINE
