Xildhibaano la dhaariyay iyo doorasho barri ka dhacaysa Qardho [Akhriso]
-
- Posted On 22-09-2015, 09:37PM
23 Septembar, 2015(GO)-Guddiga dhismaha golaha deegaana degmada Qardho ayaa soo saaray liiska xildhibaanada golahaasi.
Xafladda lagu shaacinayay liiska ayaa sidoo kale lagu dhaariyay xildhibaanada cusub, waxaana barri la qorshaynayaa inay dhacdo doorashada golaha deegaanka degmada Qardho sida laga soo xigtay mas'uuliyiin ka tirsan guddiga arrintaasi loo xilsaaray.
Xubnaha golaha deegaanka degmadaasi ayaa ka kooban 29 xildhibaan, sida ku muujisay liiska ay soo saareen guddigu.
Mushariix kala duwan ayaa u tartamaya hogaanka golaha deegaanka degmada Qardho, waxaana galinka hore ee Arbacada 23 september la qorshaynayaa in doorashadu ka dhacdo xarunta gobolka Kar-kaar.
Magalada Bosaso ayaa sidoo kale waxaa ka socoto soo xulista xildhibaanada golaha deegaanka degmadaasi, xarunta ganacsiga Puntland ayaana muddo lahayn wax gole deegaan ah.
GAROWEONLINE
