Xulka Nugaal oo ku guuleystey tartanka kubadda koleyga Puntland
-
- Posted On 14-03-2015, 09:00AM
March 14, 2015 (GO)- Xulka kubadda koleyga ee gobolka Nugaal ayaa ku guulystay tartan kubadda koleyga ah oo muddo asbuuc ah ka soconayey magaala madaxda Puntland ee Garowe.
Gobollada Nugaal, Mudug iyo Karkaar ayaa tartanka ka qeybgalay, waxaana gabagabadii final-ka isgu soo haray gobllada Nugaal iyo Mudug.
Cayaarta kama dambeysta oo ahayd mid aad uxiisa badan wexey guusha ku raacday xulka kubadda koleyga gobollka Nugaal.
Tartankan ayaa ahaa kii ugu horeeyey ee noociisa ee lagu qabto Puntland, waxaana la filayaa in sanadaha soo socda dhammaan gobolladu kasoo qayb galaan.
Xulka gobolka Nugaal ayaa labadii sano ee ugu dambeeyey ku guuleystay tartanka kubadda cagta ee gobollada Puntland.
GAROWE ONLINE
