Shabeel "ragga kaliya cuna" oo la toogtey kadib markii uu dilay 9 ruux

Marka loo eego xogta dawladda ee la daabacay 2019, inta u dhaxaysa 40 iyo 50 qof ayaa shabeelku dilaa sanad kasta.

NEW DELHI, India - Booliska dalka Hindiya ayaa toogasho ku dilay shabeel ka dib markii uu ugu yaraan sagaal qof ku laayey magaalada Champaran ee gobolka Bihar.

Bahalkan oo loogu magac daray "nin-cunaha Champaran", ayaa la khaarijiyey ka dib markii ay ugaarsadeen ilaa 200 oo askari oo ka tirsan booliiska iyo mas'uuliyiinta degmada. Qaar ka mid ah askarta ayaa kormeeray maroodiyaasha si ay u helaan.

Shabeelka labka ahi waxa uu argagixiyay bulshooyinka ku xeeran kaydka Shabeelka ee Valmiki.

Hindiya waxay hoy u tahay in ka badan 70% shabeelka duurjoogta ah ee adduunka.

Kaydadka shabeelka Hindiya - meelaha la ilaaliyo ee xooluhu ku noolaan karaan - kuma balaadhin heerka tirada shabeelka.

Madaxa ilaalinta duur-joogta ee Bihar ayaa sheegay in aysan jirin xog la helay oo sheegaysa in dilka dadka uu geystay shabeel kale.

Marka loo eego xogta dawladda ee la daabacay 2019, inta u dhaxaysa 40 iyo 50 qof ayaa shabeelku dilaa sanad kasta.

GAROWE ONLINE