Qarax Gaari oo ka dhacay Muqdisho iyo fahfaahin kasoo baxaysa

MUQDISHO, Soomaaliya - Qarax gaari ayaa galabta ka dhacay magaalada Muqdisho, kaasi oo geestay Khasaarooyin kala duwan oo dhimasha iyo dhaawac isagu jira.

Afhayeen u hadlay maamulka gobolka Banaadir ayaa xaqiijiyay in qaraxa oo ahaa mid culus uu ka dhacay nawaaxiga Isgoyska Maana-Booliyo, ee degmada Shibis. Jugta qaraxa ayaa laga maqlay qeybo kamid ah Muqdisho.

Qaraxa ayaa loogu xiray Gaari nooca raaxadda oo uu watey nin lagu magacaabi jiray Cabdalla Axmed Cabdalla, kana kamid ahaa Jaaliyadda Yemen ee ku nool Muqdisho, kaasi oo isla goobta ku geeriyooday.

Meydka ninkan ayaa loo qaadey xarunta debmi baarista ee CID-da, waxaana socda baaritaan ku aadan qaraxa lagu dilay, oo u muuqda mid isaga loogu tala-galay in lagu khaarijiyo.

Ma jirto cid sheegatay mas'uuliyadda qaraxa, sidoo kalena wali Saraakiisha amniga dowladda fahfaahin kama aysan bixin sababta loo beegsaday ninka kasoo jeeda Yemen.

GAROWE ONLINE