Ukraine iyo Ruushka oo isku haysta Soomaaliya

LONDON, (GO)- Dagaalka iyo khilaafka u dhaxeeya Ukraine iyo Ruushka ayaa markii ugu horeeyay lugaha lasoo galay Soomaaliya.

Dowladda Ukraine ayaa sheegtay in maraakiibta raashiinka wadda ee dekadaheeda ka baxay ay u socdaan Soomaaliya oo ay ka jirto abaar daran.

Balse Madaxweynaha Ruushka Vladamir Putin ayaa Maraykanka iyo Ukraine ku eedeeyay in raashiinkaasi loo wado dalalka Yurub ee aanan loo wadin Soomaaliya.

Putin oo shalay ka hadlay shir, ayaa sheegay in Ruushka uu la hadli doono Turkiga, dibna looga fiirsan doono goaankii xayiraadda looga qaaday dekedaha Ukraine.

Putin ayaa sheegay in 87 markab oo raashiin ka qaadday dekedaha Ukraine, 2  keliya ay qaadeen raashiinka WFP oo u socday Soomaaliya. Inta kalena loo weeciyay Yurub oo cuno yaraan ay kan jirto.

Hal ka mid ah maraakiibtaasi ayaa gaaray Jabuuti.

Soomaaliya ayaa 90% ku tiirsanayd qamadiga burka laga sameeyo ee Ukraine iyo Ruushka, intii uu dagaalka dhacayna waa joogsaday, taas oo keentay sare u kac qiimaha raashiinka, ugana sii dartay abaarta dalka ka jirta.

Madaxweynaha Ukraine Mr. Zelenskyy ayaa Ruushka ku eedeeyay in uu uga sii darayo abaarta ka jirta Soomaaliya.

Lama oga dedaalada ay dowladda Soomaaliya ka samayn doonto arrinkani soo kordhay.

GAROWE ONLINE