Aas-aaska ciidanka Boliiska Somaliyeed oo Garowe looga dabaal dagay

Image

20 December, 2015(GO)-Waxaa maanta magalada Garowe lagu qabtay munaasabad lagu xusayay 72 sano guuradii ka soo wareegtay xilligii la aas-aasay ciidanka Boliiska Somaliyeed.

Xaflad lagu qabtay xarunta cilmi baarista Puntland "PDRC", waxaa ka soo qayb galay Gudoomiyaha Barlamanka, xubno ka socday golayaasha dowladda, Taliyaha ciidanka Boliiska Puntland iyo saraakiisha ciidamada.

Kulanka, waxaa looga hadlay  marxaladihii kala duwan ee soo maray Boliisku, waxaana taliyaha ciidanka Boliiska Puntland Sareeya Guuto Cabdirasaaq Maxamud Yusuf Afgaduud uu kahadlay hormaradda ay ku tallaabsadeen.

Afgaduud ayaa hambalyo u diray dhammaan ciidanka Boliiska Somaliyeed, wuxuuna ka hadlay tariikhdooda, isagoo sidoo kale soo hadal qaaday isbadallada lagu sameeya Booliiska Puntland. Halkan ka dhagayso

Wasiirka Amniga Puntland Cabdi Xirsi Cali Qarjab oo ka hadlay dabaal dagga aas-aaska ciidanka ayaa ka hadlay arrimo ku saabsan shaqada Booliiska iyo dal dalooda ka jira, wuxuuna sheegay askarigii shaqadiisa gudan waaya in lagula xisaabtamo, kii ka soo baxana lagu abaalmarin doono.

Dowladda ayuu sheegay inay mas'uul ka tahay dhowrista xuquuqda askariga dalka u adeegaya, wuxuuna sheegay inay doonayaan qaabkii loo damaanad qaadi lahaa qoyska iyo nafsadda ciidanka u heellan difaaca dalka. Halkan ka dhagayso

Waxaa munaasabadda sidoo ka hadlay Gudoomiayaha Barlamanka Puntland Axmed Cali Xaashi, wuxuuna cambalyo u diray dhammaan ciidamada sannad guuradoodu maanta ku beegantahay.

Dabaal dag kan lamid ah ayaa la qorsheeayay in lagu qabto magaalooyinka waaweyn ee Somalia.

GAROWEONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM