Agaasimaha cusbitalka Galkacyo oo ka hadlay shaqaaqo xalay dad ku dhinteen
-
- Posted On 15-11-2015, 05:54PM
15 November, 2015(GO)-Agaasimaha cusbitalka Galkacyo Dr: Maxamed Aadan Xuseen ayaa ka hadlay shaqaaqooyin xalay ka dhacay afaafka hore ee cusbitalka oo sababay dhimashada shan ruux halka Afar kale ku dhaawacmeen.
Shaqaaqadan ayuu sheegay agaasimuhu inay u dhacday qaab aan ku talo gal ahayn, balse ahayd ismaan dhaaf dhexmaray ciidamo waardiye ka ahaa dhaawac shalay la keenay cusbitalka.
Tan iyo shalay shaqaaqooyinkii dhacayay waxaa ku dhintay 7 ruux halka 15 kale dhaawacmeen sida Dr: Maxamed Aadan warbaahinta gudaha u sheegay.
Xaaladda guud ee cusbitalka ayaa sidoo kale xakiran waxaana horey ula daalaa dhacay cudurro ka dhashay biyo fariistay magalada.
GAROWEONLINE
