Barlamanka Puntland oo go'aamiyey doorashada Afhayeenka
-
- Posted On 05-11-2015, 07:18PM
Nov 5,2015 (GO)- Xildhibanaada aqalka wakiilada Puntland oo ku guda-jira kalfahdigoodii 36aad ayaa maanta kulan ay isugu yimaadeen ku gaarey go'aanka watiga ay dhaceyso doorashada gudoomiyaha Barlamanka Puntland.
Doorashada Gudoomiyaha Barlamanka Puntland ayaa xildhibanaada cod ay qaadeen isku raaceen iney dhacdo maalinta Isniinta oo ku beegan 9 November, 2015.
Musharaxiin badan ayaa isu soo taagtey qabashada xilkaan iyadoo wararku sheegayaan iney ugu cad cad yihiin Cabdixakiim Dhoobo Dareed iyo Axamad Cali Xaashi oo kasoo jeeda xildhibaanada Barlamanka Puntland ugu jira gobolka Sanaag.
Dhinaca kale qabashada waqtiga ay dhaceyso doorashada guddoomiyaha Barlamanka Puntland ayaa ku soo beegmeysa kadib markii madaxweyne Gaas maanta soo gaarey xarunta dowlada Puntland ee Garowe.
Madaxweyne Gaas oo soo koobey safarkiisa uu ku joogey wadanka Imaraadka Carabta ayaa ka shaqeynaya sidii xildhibanaada Barlamanka u dooran lahaayeen afhayeenka Barlamanka jaan qaada siyaasadaha uu Puntland ku hogaaminayo.
Warsidaha Garowe Online ka fiilo doorashada Gudoomiyaha Barlamanka iyo siyaasadaha ku hareereysan
