Boliiska gobolka Bari oo beeniyay askar la badalayo [Dhagayso]

21 December, 2015(GO)-Taliyaha qaybta Boliiska gobolka Bari Gaashaanle Sare Cabdixakiim Yuusuf Xuseen ayaa beeniyay warar la isla dhexmarayay oo ahaa in labadalayo ciidanka ilaaliya garoonka diyaaraha degmada Bosaso oo dhawaan xarigga laga jari doono.

Gaashaanle Sare Cabdixakim ayaa sheegay inaysan ahayn wax suurto gal ah, isagoo askartaasi ku ammaanay kalintii ay ka qaateen adkaynta amniga, wuxuuna tilmaamay xilligan inaysan mudnayn badalaad.

"Suuqa barobogaando ayaa lagaliyay, waxaa layiri waa la finishayaa ciiidanka, abaalmarin uga dhigi mayno ciidan intaas kasoo shaqeeyay," Ayuu yiri taliyuhu.

Wuxuu tilmaamay inay maanta gaaray hadaf muddo ku taamayeen, isagoo tilmaamay inay soo qaadanayaan tababar balse labadalayn. Hufnaan, shaqo wanaag iyo karti ayuu ku ammaanay ciidankaasi.

GAROWEONLINE