Dadweynaha Garowe oo soo dhoweeyey magacaabista R.W Cumar
-
- Posted On 18-12-2014, 01:55PM
December 18, 2014 (GO)- Dadweynaha ku dhaqan Puntland ayaa soo dhoweeyey magacaabista ra'isal wasaaraha cusub Cumar Cabdirashiid Cali Sharmaarke.
Radio Garowe ayaa maanta maykrafoonka la dhex qaaday dadweynaha ku nool magaalo madaxda Puntland ee Garowe.
Badi dadku way soo dhoweynayaan Ra'isal Wasaaraha inkastoo ay jiraan qaar aan taageersaneyn.
Dadka taageersan magacaabista ayaa Madaxweyne Xasan Sheekh ku ammaanay go'aanka uu qaatay, maadaama sida ay sheegeen Cumar Cabdirashiid howshan aqoon iyo waayo aragnimo ku filan u leeyahay.
Todobaadka soo socda ayaa lagu wadaa in Barlamanka Federaalku codka kalsoonida u qaado Ra'isal Wasaaraha.
GAROWE ONLINE
