Dagaal beeleed ka dhacay deegaano ku dhow Buuhoodle gobolka Cayn
-
- Posted On 19-12-2015, 12:41PM
19 December, 2015(GO)-Dagaal dhaliyay khasaaro nafeed ayaa saaka ka dhacay deegaano katirsan degmada Buuhoodle gobolka Cayn kaasi oo u dhaxeeya labo mallayshiyo beeleed ku dagaallamay deegaan.
Khasaaro dhimasho iyo dhaawac isugu jira ayaa ka dhashay, balse xiriiro kala duwan oo aan la samaynay dadka deegaanka, waxay noo sheegeen in dhimashadu marayso 30 ruux dhaawacana kabadanyahay, iyagoo weli labada dhinac helayaan gurmadyo.
Qaar kamid ah dadka deegaanka ayaa Garowe Online u sheegay in tiro dhaawacyo ah lasoo gaarsiiyay cusbitalka Buuhoodle. Dagaalka ayaa saaka ka billowday deegaan lagu magacaabo Gaashaamo oo ku taalla xadka Ethopia, halka wararka kale tibaaxayaan in dagaalku ka dhacay deegaan lagu magacaabo Balliya Xasan.
Majirto cid kahadashay dagaalkan oo ku soo beegmay xilli madaxweyne ku-xigeenka Puntland Cabdixakiim Cabdullaahi Cumar Camay ku suganyahay degmada oo u tagay arrimo la xiriira tacsi.
Beelaha dagaallamay ayaa xog ogaallo ku sugan Buuhuudlo u sheegeen Garowe Online in muddooyinkii dambe ka taagnaayeen muran ka dhashay deegaan labada dhinac wada dagaan.
GAROWEONLINE
