Gudoomiyihii Rugta ganacsiga Puntland oo is-casilay
-
- Posted On 19-12-2015, 12:24PM
19 December, 2015(GO)-Gudoomiyihii Rugta ganacsiga iyo Warashadaha Puntland ayaa maanta ku dhawaaqay inuu baneeyay jagadaasi isagoo aan shaacin sababta keentay balse ku soo gaabiyay arrimo isaga u gaar ah.
Cabdiraxmaan Jaamac Warsame oo faah faahin sababta xilligaan ku soo beegtay inuu booska banneeyo ayaa sheegay inuu isbadal ku sameeyay xafiiska mudadii uu joogay, wuxuuna bulshada iyo ganacsatada Puntland ku ammaanay kaalinta ka qaateen hormarka dalka.
Wuxuu mahadcelin u jeediyay mudane Cabdiraxmaan asxaabtii xafiiska wadajoogeen iyo bulshada sida gaarka ah u wadashaqeeyeen.
26 December, 2014 ayay ahayd markii Gudoomiyaha iscasilay xilka loo doortay, isagoo xilligaas ku guulaystay 67 cod.
GAROWEONLINE
