Khasaaro ka dhashay dagaalka Galkacyo ka socda
-
- Posted On 28-11-2015, 12:59PM
28 November, 2015(GO)-Waxaa weli socda iyadoo la isu adeegsanayo xubka waaweyn dagaal saaka mar kale dhexmaray maamullada Puntland iyo Galmudug, waxaana jira khasaaro kala duwan.
Dagaalkan ayaa sakaa bilowday, wuxaana la isu adeegsanayay qoryahay fud-fud, balse wararka aan hadda helayno ayaa sheegaya inuu dagaalku xoogaystay, isla markaana la maqlayo daryarnka rasaasta waaweyn oo isweydaarsanayaan dhinacyada diriraya.
Warar aan ka helayno ilo ka agdhow meelaha dagaalku ka socda sida Suuqa Darxumo, ayaa sheegaya inay dhinteen ilaa 8 ruux oo labada dhinac ka tirsan, waxaana dhawac soo gaaray ilaa 30 ruux oo qaybtood haleeleen xabado habow ah, waxaana dhaawaca la dhigay cusbitalka magaaladaasi.
Waxaa adag in la helo dhinacyada dagaallamay iyo xogta rasmiga ah ee goobaha dagaalku ka socdo, balse waxaa jira baabur la gubay iyo goobo shidaal sida ay Garowe Online u xaqiijyeen goob joogayaal ku sugan Galkacyo.
Ilaa hadda ma jirto cida ka tirsan labada maamul ee dagaallamaya, waxaana arrintani ku soo beegantay xilli ay jireen waan waan uu qayb ka ahaa Ra'isal wasaaraha Somalia, balse dhammaantood wax ka hirgalay ma jiraan.
GAROWEONLINE
