Maamulka Somalia Channel Somalia oo ka hadlay xariga Deparani
-
- Posted On 23-11-2015, 10:09AM
23 November, 2015(GO)-Agaasimaha Somali Channel ayaa maanta ka hadlay xarriga sharci darada ah ee dowladda Puntland kula kacday Wariye Jaamac Yusuf Deparani oo ka howl gala TV-gaasi.
Axmed Maxamed Jamac (Suufi), oo ku sugan magalada Hargaysa xarunta Somaliland, ayaa Radio Garowe u sheegay inay ka xunyihii xarigga lagula kacay wariyahaasi oo wax dambi ah ka galin dowladda, wuxuuna xusay inay diyaar u yihiin ka garbixidda dowladda Puntland,
Suufi ayaa nasiib darro ku tilmaamay dowladda Puntland oo haatan jirta 17 sano inay caburiso saxaafadda, arrinta wasiirka warfaafinta Puntland ku dhaqaaqayna tahay sharci darro.
Wariye Jaamac Deparani oo Khamiistii la soo dhaafay lagu xiray magalada Garowe, ayaan weli la soo taagin maxkamad, wuxuuna xabsiga ku jiraa maalintii Shanaad, isagoo aan la soo taagin maxkamad.
Ururada Saxaafadda, wariyaasha, iyo dadka u dooda xuquuqda Aadanaha ayaa ka hadlay xariggan, waxayna ku tilmaameen midaa aan waafaqsanayn shuruucda u dagan Puntland iyo tan xuquuqul Insaanka.
Arrintan, waxay keentay Idaacadaha ka hawl gala Garowe, inaysan baahin wararka dowladda,
GAROWEONLINE
