Madaxweyne Gaas iyo wafdi uu hogaaminayo oo Garowe ka dhoofay
-
- Posted On 16-10-2014, 05:49AM
October 16, 2014 (GO)- Magaalada Garowe waxaa maanta lagu wadaa inay ka duulaan wafdi uu hogaaminayo Madaxweynaha Puntland Cabdiweli Maxamed Cali Gaas.
Wafdiga Madaxweynaha oo wasiiro iyo saraakiil madaxtooyada ka tirsani ku jiraan wuxuu socdaalkoodu ku wajahan yahay wadamo kala duwan iyadoo wararku sheegayaan inuu gaari doono wadamada Yurub, North America iyo wadanka Imaaraadka Carabta halkaasoo qaarna shirar uga qayb gali doono, kuwa kalena booqasho gaar ah ku tagi doona.
Dhanka kale Madaxweynaha ayaa kahor inta uusan Garowe ka duulin dhagax dhigi doona wadada isku xirta laamiga magaalada dhex mara iyo madaxtooyada, jidkaasoo isagana laami la saari doono.
Gaas ayaa lagu wadaa inuu warbaahinta kula hadlo garoonka, isagoo ka warbixin doona ujeedada socdaalka uu ugu baxayo dalalkaas.
Faah faahin dheeri ah iyo sawiradaba dib ayaan idiinka soo gudbin doonaa...
GAROWE ONLINE
