Madaxweynaha Puntland oo Garowe yimi [Dhagayso]
-
- Posted On 05-11-2015, 01:26PM
05 November, 2015(GO)-Wafdi uu hogaaminayo Madaxweynaha Puntland Cabdiwali Maxamed Cali Gaas, ayaa maanta soo gaaray magalada Garowe caasumadda Puntland, ka dib socdaal uu kaga yimi magalada Dubai xarunta Isutagga Imaaraadka carabta.
Madaxweyne ku-xigeenka Puntland, wasiiro, xubno ka socda Barlamanka, mas'uuliyiin iyo bulshada qaybaheeda kala duwan ayaa soo dhaweyn ugu sameeyay wafdiga madaxweynaha garoonka diyaaradaha magalada Garowe.
Madaxweynaha Puntland oo saxaafadda kula hadlay xarunta madaxtooyada, ayaa sheegay in Isutagga Imaaradka carabta kala soo hadleen arrimo la xiriira amniga, kaabayaasha dhaqaalaha iyo xoojinta xiriirka labada dhinac.
Gaas ayaa tilmaamay in safarkiisa guul ku soo dhammaaday,wuxuuna bulshada reer Puntland u rajeeyay guul iyo hormar.
GAROWEONLINE
