Madaxweynaha Puntland oo Imaaraadka u dhoofay
-
- Posted On 01-11-2015, 05:00PM
01 November, 2015(GO)-Waxaa galinkii dambe maanta ka dhoofay magalada Galkacyo wafdi uu hogaaminayo Madaxweynaha Puntland Cabdiwali Maxamed Cali Gaas iyagoo ku sii jeeda dalka Imaaraadka Carabta gaar ahaan Dubai.
Safarka Gaas, waxaa ku wehelinaya, wasiirro iyo saraakiil ka tirsan madaxtooyada, wuxuuna salka ku hayaa casumaad uu ka helay mas'uuliyiinta Imaaraadka.
Muddo kooban ayaa la qorshaynayaa inuu safarkiisa qaato isla markaana uu kulamo la yeesho madaxda dowladda Imaaraadka Carabta, isagoo kala hadlaya sida uu sheegay xoojinta xiriirka labada dhinac.
Dhanka kale, Madaxweynaha Puntland Cabdiwali Maxamed Gaas ayaa tacsi ka tiray weerarkii maanta lagu qaaday Hotel Saxafi ee magalada Muqdishu, waxaana dhimashadu maraysaa ilaa 15 ruux.
GAROWEONLINE
