Madaxweynaha Puntland oo la kulmay safiirka Talyaaniga ee Somalia
-
- Posted On 07-10-2015, 09:42AM
07 Octobar, 2015(GO)-Madaxweynaha Puntland Cabdiwali Maxamed Cali ayaa dalka Kenya kula kulmay safiirka Somalia ee dalka Talyaaniga Fabrizio Marcelli.
Shirka oo ka dhacay Nairobi ayaa labada mas'uul uga wada hadleen arrimo la xiriira Puntland sida lagu sheegay warsaxafaadeed ka soo baxay Puntland.
Gaas ayaa ka codsaday safiirka in dowladda Talyaanigu ciidanka Puntland ka taageerto dhanka tababarada sid amniga loo xoojiyo, isla markaana kor loo qaado taageerada Puntland ka heli jirtay dalkaasi.
Safiirka Talyaaniga Fabrizio Marcelli ayaa xusay in mar walba Dawladda Talyaaniga ka go’antahay sii wadida mashaariicda horumarineed ee kawadaan Puntland.
Gaas ayaa mudadan ku sugnaa dalka Talyaaniga, waxaana uu sheegay xilli uu ka dhoofay magalada Galkacyo inuu ka qayb galayo shir kusaabsan kaabayaasha dhaqaalaha Puntland.
GAROWEONLINE
