Madaxweyne Gaas oo la kulmay Odoyaal dhaqameed ka socda DDSI
-
- Posted On 17-11-2015, 04:46PM
17 November, 2015(GO)-Madaxweynaha Puntland ayaa maanta la kulmay Odoyaal dhaqameed ka socda dowlad deegaanka Somalida Ethopia, kuwaasi oo qayb ka ah waxgarad ku hawlan sidii loo soo afjari lahaa colaad muddo ka dhex taagnayd beelo ood wadaag ah oo wada daga Puntland.
Cabdiwali Maxamed Cali Gaas, oo qado sharaf u sameeyay Odoyaasha, ayaa uga mahad celiyay dadaalka u galeen sidii beelaha loo hishiisiin lahaa, wuxuuna tilmaamay in Puntland iyo DDSI ka dhaxeeyso xiriir soo jireen ah.
Waxgaradka ayaa dhankooda xusay inuu meel wanaagsan marayo dhammaynta colaadda taagnayd muddo dhan 10 sanno, waxayna sheegeen in guul laga gaari doono arrintaasi oo dhawaan laga soo saaray hishiis nabadeed.
GAROWEONLINE
