Maxkamadda sare ee Puntland oo dacwad dib u dhigtey
-
Wariyaha Garowe
- Posted On 10-12-2020, 10:09AM
GAROWE, Puntland - Maxkamadda sare ee Puntland ayaa saaka oo khamiis ah u fariistay dhagaysiga kiiskii 8 Xildhibaan ay dhowaan xasanada kala noqdeen golaha wakiilada Puntland.
Dacwadda ayaa waxaa dhinac ka ahaa Gar-yaqaanka Guud ee Dawladda Puntland iyo qareenadda ay qabsadeen Xildhibanadii ay xasanada ka xayuubiyeen Baarlamaanku Dabayaaqadii todobaadkii tagay.
Maxkamadda Sare ayaa ogolaatay codsi ay soo jeediyeen Qareenada oo ahaa in la siiyo fursad ay dacwadooda kuso dhamaystirtaan.
Maxkamada ayaa mar kale mudaysay kiiska waxaana dib loo dhagaysan doona Maalinka Sabtida oo ay taarikhdu tahay 12 December 2020.
GAROWE ONLINE
