​Puntland: Afhayeenka Barlamanka oo xubno magacaabay

GAROWE- Gudoomiyaha Barlamanka Puntland Axmed Cali Xaashi ayaa maanta ku dhaawaqaay xubnaha ka dhimaanay guddiga doorashooyinka Puntland, kuwaasi oo shan kamid ah madaxweyne Gaas shalay ku dhawaaqay. 

Xaashi, ayaa magacaabay afarta xubnood ee laga sugayay, wuxuuna isagoo shir jaraa'id warbaahinta ugu qabtay Garowe, sheegay inay yihiin xubnihii ka imaanayay dhanka Barlamanka. 

Magacyada Afarta xubin ee Barlamanka ka yimi;

1. Dr. Siciid Maxamud Xirsi (Diraac)

2. Eng. Maxamed Axmed Siciid (Jacfar)

3. Axmed Xassan Bile

4. Cabdirasaaq Xuseen Gacayte.

Guddigan oo dhan 9 xubnood ayaa iska dhex dooran doona gudoomiye, waxayna kusoo beegmeen xilli aad bulshadu isu weydiinaysay xilliga la dhisi doono guddiga doorashooyinka oo ka mid ahaa Ballanqaadkii Madaxweyne Gaas. 

GAROWEONLINE