Puntland oo ka hadashay dagaalka Galkacyo [Dhagayso]
-
- Posted On 03-12-2015, 12:58PM
03 December, 2015(GO)-Wasiirka wasaaradda warfaafinta Puntland Maxamud Xasan Soocade ayaa ka hadlay dagaalka ka socda magalada ee sababay dhimashada iyo dhaawac aan tira ahaan la xaqiijin.
Soocade oo saxaafadda kula hadlay dhisme khasaaro soo gaartay hoostiisa ayaa sheegay, in shacabka Galkacyo lagu soo weeraray hubka noocyadiisa kala duwan, wuxuuna tilmaamay in arrintaasi timi xilli ay wadeen maslaxadda howshii shalay lagu hishiiyay.
Wuxuu wasiirku sheegay inay dadkooda difaacayaan, isla markaana diyaar u yihiin nabad galyadii shalay lagu hishiiyay.
Soocade ayaa sidoo kale sheegay inay soo dhaweynayaan cid kasta oo dhex dhexaadin wada.
Xilliga wasiirku hadlayay, waxaa socotay rasaas xooggan oo maanta laga maqlayay magalada Galkacyo xarunta gobolka Mudug.
Dagaalka ayaa ka yara qaboobay sidii hore ee u socday, balse waxaa la maqlayaa daryanka rasaas xooggan oo labada dhinac isugu jawaabayaan.
GAROWEONLINE
