Puntland oo ka arinsaneysa khilaafka mas'uuliyiinta DFS
-
- Posted On 26-10-2014, 04:35PM
October 26, 2014 (GO)- Tan iyo galabta aqalka madaxtooyadda Puntland ee Garowe waxaa ka socday shir looga hadlayo khilaafka u dhaxeeya masuuliyiinta ugu saraysa dowladda Federaalka Somalia.
Shirkan ayaa u dhaxeeya madaxwayne ku xigeenka Puntland iyo gollaha wasiiradda sida wararku kusoo gaarayaana GO waxaa lagu soo bandhigayaa aragtida ay ka qabaan muranka iyo khilaafka ka aloosan Villa Somalia kaasoo u dhaxeeya Cabdiwali Shiikh Axmed Wasiirka koowaad ee dalka iyo madaxwayne Xasan Shiikh Maxamuud.
Warbaahinta ayaa lagu wargaliyay caawa inay yimaadaan xarunta madaxtooyada halkaasoo shir jaraa'id lagu qabanayo.
Wararka kale ee soo baxaya ayaa sheegaya inuu cirka isku shareeray khilaafka Cabdiwali iyo Xasan u dhaxeeya kaasoo sii kiciyay ka dib markuu shalay isku shaadheyn sameeyay Ra'iisul Wasaare Cabdiwali Shiikh.
Puntland iyo Dowladda Federaalka ayaa hagaagay khilaafkii u dhaxeeyay ka dib markii Garowe lagu saxiixay heshiis 12 qodob ka kooban oo labada dhinac isku afgarteen.
Wixii kusoo kordha kala soco wararka danbe.
GAROWE ONLINE
