Safiirka Turkiga ee Somalia oo Garowe lagu soo dhaweeyay
-
- Posted On 04-11-2014, 08:29AM
November 4, 2014 (GO)- Wafdi uu hoggaaminayo Safiirka Turkiga ee Somaliya Danjire Olgan Bekar ayaa maanta oo Talaado ah soo gaaray magalo madaxda Puntland ee Garowe.
Madaxwayne ku xigeenka Puntland Cabdixakiin Cabdilaahi Camay iyo masuuliyiin kale oo gollayaasha dowladda ka tirsan ayaa wafdigan kusoo dhaweeyay garoonka diyaaradaha ee magalada.
Safiirka Turkiga ee Somalia ayaa booqday Isbitaalka guud ee magalada Garowe iyo dugsiga sare Gambool wuxuna war bixino ka dhagaystay horjoogayaasha xarumahaasi.
Sidoo kale madaxwayne ku xigeenka Puntland ayaa dowladda Turkiga ka gudoomay deeq raashin ah oo loogu talo galay caruurta agoonta ah ee ku jira kuleedka magalada.
Inkastoo aan la shaacin socdaalka rasmiga ah ee masuulkan haddana wararka la helayo ayaa sheegaya inay ka wada hadli doonaan Olgan Bekar iyo madaxwayne Gaas sidii mashaariic muuqda Puntland looga hirgalin lahaa.
GAROWE ONLINE
