Taliyaha Booliska G.Nugaal oo xilka la wareegay
-
- Posted On 13-10-2014, 12:20PM
October 13, 2014 (GO)- Taliyaha cusub ee ciidanka Booliska Gobalka Nugaal G/sare Nugaal Axmed Cabullaahi Samatar(Layli) ayaa maanta oo Isniin ah xilka kala wareegay taliyihii hore Cabdiraxmaan Xaaji Abshir.
Munaasibad ay xilalka labadaan masuul kula kala wareegayeen ayaa lagu qabtay xarunta Taliska Booliska Nugaal waxaana kasoo qayb galay saraakiisha ammaanka Puntland.
Taliyihii hore ee Booliska Nugaal G/sare Cabdiraxmaan Xaaji Abshir ayaa ka waramay tan iyo intii uu xilkan hayay waxyaabihii u qabsoomay, wuxuna balan qaaday inuu si daacadnimo ku jirto uga shaqayn doono nabadgalyadda Gobalka Nugaal.
Axmed Cabdilaahi Leyli taliyaha cusub ee ciidanka Gobalka Nugaal ayaa sheegay inuu dadaalkiisa la xariira adkaynta amniga uu kor u qaadi doono saldhigyadda Nugaal-na ay xili kasta dadwaynaha u shaqayn doonaan.
Cabdiraxmaan Abshir Faarax taliyihii hore ee ciidanka booliska Gobalka Nugaal ayaa loo magacaabay taliye ku xigeenka ciidanka ilaaladda canshuuraha Puntland.
GAROWE ONLINE
